L’onn 1841 scriva il Turitgais Leonhard Widmer il text per l’imni naziunal svizzer dad oz. 174 onns pli tard gudogna ses numalin, il Turitgais Werner Widmer, la concurrenza d’artists per in nov text tar la melodia da l’imni dad Alberik Zwyssig.g.
Werner Widmer ha 62 onns e vegn da Zollikerberg. El ha studegià teoria da la musica al conservatori a Berna e suenter economia a l’Universitad da Basilea. Oz maina el la fundaziun Diakoniewerke Neumünster a Zollikerberg ed instruescha a l’Universitad da Son Gagl. Werner Widmer è president dal cussegl d’administraziun da l’Ospital chantunal da Basilea-Champagna, commember dal cussegl d’administraziun da la SV-Group e commember da la suprastanza da Curaviva Svizra e d’IMPULSIS.
Rumantsch Grischun
Sin fund cotschen ina crusch,
Svizr’unida, ferma vusch.
Pasch, independenza e libertad.
Ferm in pievel che dat grond sustegn
a tut ils umans che han basegn.
Per mintgin la libertad
e per tuts la gistadad.
Sin fund cotschen ina crusch,
Svizr’unida cun ferma vusch.
La nova strofa svizra che unescha tut las linguas naziunalas:
Weisses Kreuz auf rotem Grund,
unser Zeichen für den Bund:
Freiheit, Unabhängigkeit, Frieden.
Ouvrons notre coeur à l’équité
et respectons nos diversités.
Per mintgin la libertad
e per tuts la gistadad.
La bandiera svizzera,
segno della nostra libertà.
